O'zbekiston U-19 Bangladeshdagi ilk mashg'ulotlarini o'tkazdi

Jasur Abduraimov bosh murabbiyligidagi O'zbekiston U-19 yoshlar terma jamoasi bugun U-19 yoshlar o'rtasidagi Osiyo chempionati saralashiga mezbonlik qiladigan Bangladesh poytahti Daka shaxriga etib keldi.

Eslatib o'tamiz, O'zbekiston U-19 terma jamoasi saralashning “A” guruxida mezbon Bangladesh, Butan xamda Shri-Lanka terma jamoalariga qarshi maydonga tushadi. O'zbekiston U-19 terma jamoasining Osiyo chempionati saralashida ishtirok etadigan tarkibi xaqida avvalroq habar bergan edik.

Bugun kunning ikkinchi yarmida Dakaga etib kelgan O'zbekiston yoshlar terma jamoasi o'zining ilk mashg'ulotlarini o'tkazishga ulgurdi. Jasur Abduraimov shogirdlari bugun asosan chigalyozdi va engil mashqlarni bajarishdi.

Malumot uchun, O'zbekiston U-19 terma jamoasi saralashning ilk turida 2 oktyabr kuni Butan U-19 yoshlariga qarshi maydonga tushadi. Jasur Abduraimov jamoasi 2-turda Shri-Lanka yoshlariga qarshi o'ynasa, so'nggi turda mezbon – Bangladesh U-19 terma jamoasiga qarshi o'ynaydi.

Takidlash joiz, saralash guruxi g'olibi to'g'ridan-to'g'ri kelasi yili Baxraynda bo'lib o'tadigan U-19 yoshlar o'rtasidagi Osiyo chempionati final bosqichiga yo'llanma oladi. Shuningdek, saralashning 10ta guruxi g'oliblari xamda eng yahshi ko'rsatkichga ega 5ta ikkinchi o'rin soxiblari Osiyo chempionati final bosqichiga yo'llanmani qo'lga kiritadilar.

O'zbekiston U-19 terma jamoasining saralash bosqichidagi o'yinlari taqvimi:

2 oktyabr.

O'zbekiston U-19 – Butan U-19 (Toshkent vaqti bilan soat 14:00)

4 oktyabr.

Shri-Lanka U-19 – O'zbekiston U-19 (Toshkent vaqti bilan soat 14:00)

6 oktyabr.

O'zbekiston U-19 – Bangladesh U-19. (Toshkent vaqti bilan soat 17:00)
- deya xabar beradi Uff.uz internet nashri.

29 sen 2015

Комментарии (0)